Mei Liadabuach - Pfiadti, Mariann

Das ist die Seite von Gustav Freudmann / Mei Liadabuach

Pfiadti, Mariann

(So long Marianne / Leonard Cohen)

Kumm umme zum Fensda, mei Ollaliabsde.
I mechd gean lesn in deina Haund.
Befua_r_i erlaubd hob, dossd mi haamnimmsd zu dir, woa_r_i
a klana Ziaga und gaunz schee am Saund...

Drum pfiadti, Mariann!
Woa Zeid doss mia zwa dan
wieda lochn und wanan
und wanan und lochn, über
des wos mia san...

Du waaßd, wia gern i gaunz bei dir bliebn wa,
doch du hosd mi sovü vagessn gmochd.
I hob vagessn wea de Engerln san und so haum
de Engerln a nimmermehr aun uns dochd...

Drum pfiadti, Mariann...

Fosd woa ma no jung, domois bein erschdn Moi,
grean hod da Park gschdroid und zoadt violedt.
Fesd ghoidn hosd mi wiara Gruzifix, mia san
in Finsdtan grudschd auf de Knia bis ins Bedt...

Drum pfiadti, Mariann...

Du schreibsd ma, dossd die gaunze Zeid mid mia bisd.
Doch wieso fühl i mi daunn so allaa?
I schdeh am Obgrund und dei feins Spinnanneds
bindt meine Fiaß gaunz fesd aunan Schdaa...

Drum pfiadti, Mariann...

A waunn i di jeds gaunz und goa brauchn dad,
wia_r_a Rasierklingan so bleib i koid.
Valossn hosd mi, grod wia_r_is wissn woidtad, doch
dopfa woidt i nie sei, a ned mid Gwoid...

Drum pfiadti, Mariann...

Heasd, du bisd so schee, doss ma es Heaz schdehbleibd,
doch i hea, di haums mid an neichn Noman geseng.
Grod jeds wia_r_i obmad schdeh am hechsdn Beag und hob
meine miadn Augn gwoschn in koidn Reng...

Drum pfiadti, Mariann...